--Ads--
Naobserbaran ti Philippine Institute of Volcanology and Seismology (PHIVOLCS) ti maikadua a minor phreatomagmatic eruption iti Main Crater ti Bulkang Taal ita a rabii ti Martes, July 21, 2026.
Sigun iti PHIVOLCS, napasamak ti pangbettak pasado 8:09 p.m ken bimmayag iti uppat a minutos.
Nangiparuar metlaeng ti nasao a bulkan iti asok a dimmanon iti 2,800 a metro ti kangatona manipud iti crater ti bulkan.
Iti baet dayta, agtaltalinaed latta iti Alert Level 1 ti status ti Bulkang Taal, mangipasimudaag daytoy a nababa ti tiansa a mapasamak ti volcanic unrest.
