Impakaammo ti Philippine Institute of Volcanology and Seismology (PHIVOLCS) a naobserbaranda ti earthquake swarm wenno ti nagsasaruno a ginggined iti Cotabato Trench sakbay a napasamak ti magnitude 7.8 a ginggined idiay Mindanao idi June 08, 2026.
Nupay kasta, awan ti pammaneknek a daytoy ti nangtignay iti gingigined idiay Cotabato, Sarangani, South Cotabato ken dadduma pay a lugar sadiay Mindanao.
Sigun kenni PHIVOLCS Director Teresito Bacolcol, mabalin wenno saan nga agtungpal ti earthquake swarm iti napigpigsa a ginggined.
Inlawlawag ni Bacolcol a ti earthquake swarm ket saan a direkta a nangtignay iti nasao a ginggined, no diket posible nga agpada a paset ti seismic activity iti igid ti Cotabato Trench.
Inlawlawag ti ahensia a ti earthquake swarm ket agsasaruno a ginggined a mapasamak iti maysa a lugar ken agsasaruno nga oras ken mabalin nga agtultuloy iti adu nga aldaw wenno lawas.
