Nailista ti Philippine Institute of Volcanology and Seismology (Phivolcs) ti 287 nga earthquake swarm wenno nagsasaruno a ginggined iti baybay ti Bolinao, Pangasinan manipud Mayo 27, 2026 agingga iti alas-7:00 ti agsapa ita a Hunio 26, 2026.
Addan dagitoy ti kinapigsa a magnitude 1.8 agingga 5.1 no sadino, napasamak iti kauneg a 2 agingga 47 a kilometro.
Kadagiti nasao a bilang ti ginggined, maysa laeng nga Intensity II ti narikna ti publiko.
Inlawlawag ti ahensia a ti earthquake swarm ket agsasaruno a ginggined a mapasamak iti maysa a lugar ken agsasaruno nga oras.
Nupay kasta, awan ti nalawag a mainshock wenno kangrunaan a ginggined ken aftershock.
Sigun iti PHIVOLCS, daytoy a kita ti panagdayyeg ket mabalin nga agtultuloy iti adu nga aldaw, lawas, wenno agpaut ken posible nga agtungpal iti napigpigsa a ginggined wenno saan.
Gapu iti dayta, balbalakadan ti institusion ti publiko nga agannad, ammuan dagiti natalged a lugar a pagbakwitan, agisagana iti emergency supply kit ken aramiden ti “Duck, Cover, and Hold” kabayatan ti ginggined.
Palpalagipan ti PHIVOLCS ti komunidad nga asideg iti baybay nga agbalin nga alerto kadagiti senyales ti tsunami kas iti napigsa ken napaut a ginggined, panagdenden ti dabum ti baybay, panagngato ti danum iti baybay, ken napigsa nga uni nga aggapu iti baybay.
Iti kanito a maobserbaran dagitoy a senyales, dagus nga agbakwit kadagiti nangangato a lugar.
