--Ads--
Na-irekord ti Philippine Institute of Volcanology and Seismology (PHIVOLCS) ti sabali manen a minor phreatomagmatic eruption iti Taal Vocano idi rabii ti Domingo, July 12, 2026.
Nangrugi ti panagbettak iti pasado 8:27 p.m ken nagpaut iti agarup tallo a minutos.
Sigun iti PHIVOLCS, nangpataud daytoy iti dapo ken steam-rich plume wenno singaw.
Ngimmato daytoy iti 1,200 a metro iti ngatuen ti main crater.
Agtaltalinaed nga epektibo ti Alert Level 1 iti Taal Volcano a mangipasimudaag iti nababa a lebel ti volcanic unrest.
Nupay kasta, agtalinaed a nainget a maiparit ti iseserrek iti Permanent Danger Zone (PDZ).
