Impakaammo ti Philippine Institute of Volcanology and Seismology (PHIVOLCS) a nakairekord da iti agarup 1,055 as of 7:00 itay agsapa kalpasan iti 7.8 magnitude a gingined idiay Mindanao.
Sigun iti nasao nga opisina, 301 kadagiti nasao nga afterschocks ti naalada ti lokasyonna bayat a 21 kadagitoy ti narikna dagiti residente iti apektado a luglugar.
Innayon pay dagitoy a ti kapigsa dagiti aftershocks ket dumanon iti 1.3 agingga 6.7.
Kabayatanna, dumanon metten iti 37 ti bilang dagiti naireport a pimmusay gapu iti 7.8 magnitude a gingined sigun iti Office of Civil Defense (OCD) .
Mannarimaan pay laeng ti pannakaipatungpal ti search, rescue, and retrieval operation kadagiti apektado a lugar.
Agarup 17,689 a pamilya a buklen ti 77,186 nga indibidual ti naapektaran gapu iti nasao a gingined sigun iti inisyal a datos ti nasao nga opisina. //bombokaren.c.sapirao
