--Ads--
Sinuspinder ti Department of Tourism (DOT) dagiti non-essential travel kadagiti lugar iti aglawlaw ti Mayon Volcano.
Daytoy ket kasaruno ti agsasaruno nga aktibidad ti bulkan a nangtignay iti panagtinnag ti dapo iti nagduduma a paset ti Albay.
Sigun iti nasao nga ahensia, agtultuloy ti pangruar ti lava, panagtinnag ti bato, volcanic earthquakes, ken pyroclastic density currents.
Ad-adda a mangapektar daytoy kadagiti asideg a komunidad ken tourism sites.
Ipaganetget ti Departamento nga agtalinaed a kapatgan ti kinatalged ken pagimbagan dagiti turista bayat nga agtultuloy nga iwan-wanawan dagiti tourism workers ti kasasaad babaen ti koordinasion kadagiti maseknan nga ahensia.
Iti agdama, agtaltalinaed paylaeng nga Alert Level 3 ti nasao a bulkan.
