Narba ti dua a rangtay sadiay Tarlac City gapu iti napigsa a panagbayakabak ti tudo ken ayus ti danum nga intuntunda ti Habagat.
Sigun iti Tarlac City Disaster Risk Reduction and Management Office, narba ti Agana Bridge sadiay Barangay Tibag, pasado 8:30 p.m idi Sabado, Agosto 29.
Napasamak daytoy, maysa nga aldaw kalpasan a narba ti Aquino Bridge gapu metlaeng iti agtultuloy a panagtudtudo ken napegges nga ayus ti danum.
Maibasar iti report, maysa a lugan nga addaan iti lima a tattao ti natnag iti Tarlac River kabayatan ti pannakarba ti rangtay.
Dagiti lima a pasahero ket pakairamanan ti tallo a lallaki ken dua babbae.
Maysa ti narescue bayat a manarimaan ti maisaysayangkat ti emergency response and rescue operations kasaruno ti napasamak nga insidente.
Sigun iti Tarlac City government, naiserra ti Agana Bridge gapu iti pannakadadael daytoy.
Maibalbalakad kadagiti motorista a saanda a padpadasen ti dumalyasat ken magna da kadagiti alternatibo a ruta.
Manarimaan paylaneg ti imbestigasyon dagiti otoridad iti pannakarba dagiti dua a rangtay.
