Insingasing ni Department of the Interior and Local Government (DILG) Secretary Jonvic Remulla a maisubli iti 15 agingga 19 ti age limit para kadagiti agkandidato iti Sangguniang Kabataan (SK).
Sigun kenn Remulla, ad-adda a maitutop daytoy nga age range tapno masigurado a dagiti nabutosan nga opisial ti SK ket pudno a mangibagi iti sektor dagiti agtutubo a pagserserbianda.
Innayon ni Remulla nga iti sidong ti agdama nga age limit nga 18 agingga iti 29, mabalin nga addaanen ti opisial ti SK iti trabaho, asawa, wenno bukodda a pamilya inton makadanonda iti edad a 28 wenno 29.
Malaksid iti dayta, kayat metlaeng ni Remulla a repasuen ti fiscal autonomy ti SK, agsipudta sigun kenkuana ket kasapulan pay a mapapigsa ti kapasidad ken kinasagana dagiti agtutubo nga opisial a mangimaton iti pondo ti gobierno.
