Nangipaulog ti Senate impeachment court iti show cause order kontra kenni House prosecutor Terry Ridon ken private prosecutor Benjamin Tolosa Jr.
Kidkiddawen ti Senate impeachment court nga ilawlawag da Ridon ken Tolosa ti statements dagitoy a posible a nanglabsing iti sub judice rule wenno ti pannakaiparit ti diskusyon iti impeachment case ni Vice President Sara Duterte iti ruar ti trial proceedings.
Sigun kenni Ridon, respetuenda ti desisyon ti korte ken sungbatan ti show cause order.
Maipalagip a ti sub judice rule iti sidong ti Article 18 of the Rules iti Impeachment ket mangiparit kadagiti presiding officer ken kameng ti Senado a mangipaay iti komento ken mangiwaragawag iti merito ti pending impeachment trial iti publiko.
Maiyaplikar metlaeng daytoy kadagiti prosecutors, ti napilaan iti impeachment ken dadduma pay a respective counsel ken tistego.
Immuna metlaeng a binalaagan ni Senate impeachment court presiding officer Francis Escudero dagiti maseknan idi August 2026 a liklikanda ti pananglabsing iti sub judice rule wenno mamulta dagitoy iti P30,000 tunggal offense wenno panaglabsing.
