Impeksa ni Glenn Dumlao, Regional Director ti Department Of Transportation- Cordillera maysa kadagiti rason ti pannakairamanna iti issue ti maatap a korapsyon iti nasao nga ahensya ket ti panangimbestiga ti kameng ti Department of Transportation kadagiti naanomalyaan a korporasyon a mangpekpeke iti Provisional Authority tapno makakikil.
Daytoy ket mainaig iti akusasyon a korapsyon ken panangawat iti “payola” ti maysa kadagiti personnel iti nasao nga ahensya. Sigun kenni Regional Director Dumlao, adu a tourist transport services ti mabikbiktima iti panangkikil gapu iti delay ti pannakaipaay ti provisional authority no sadino daytoy ti mangpalpalubos kadagiti transport operators nga agbyahe bayat a maur-uray ti permanente a prangkisa da.
Gapu iti dayta, nangisayangkat iti Comprehensive Investigation ti nasao nga opisyal seknan iti “Emergence of Informal and Corrupt Practices” a nangrugi idi Pebrero 23, 2026 no sadino naisumitirnan it sekretarya iti national.
Naduktalan ngamin daytoy nga adu ti peke a provisional authority a maar-aramat no sadino dagiti makin-iggem kadakauada a korporasyon ti mangar-aramid kadagitoy kasta metlaenga a dagitoy metlaengen ti agsinsingir.
Karamanen ditoy ti maysa a nalatak ken prominent a transport organization iti pagilian a Pilipinas.
Inlawlawag pay ti opisyal a dagiti matiltiliw ken agmulmultra a colorum ket addaan iti resibo ken recorded pay daytoy iti sistema ngem saan a gapu a natiliwen daytoy kas colurom ket otomatiko nga agmulta daytoy iti P200K nu diket apaman a mapaneknekan ti driver a saan a colorum ti luganna, ti laengen traffic violations ti bayadanna.
Innayon ni Dumlao a saanna pay a nakita ti actual a complainant ni sadino kiniddawna a sapayla kuma ta sumango wenno makiuman kenkuana ni Mario “Mar” Valbuena Jr., presidente ti transport group a MANIBELA sakbay a nagsao daytoy iti social media.
Impeksana met nga awan ti pabpaboranna no sadino apaman a mapaneknekan a nagbasol wenno nangaramid iti saan a nasayaat ti kadua daytoy, nasken a sangwen ti nagbasol ti inaramidna.
Kagidan ti nasao nga issue, impettengna nga apaman nga adda ti makaibaga a pudno nga adda ti naawatna wenno kinidawna a gatad, saan daytoy nga agpangadua nga umikat iti serbisyo. // via Bombo Noveh Organo
