--Ads--
Pinirmaanen ni President Ferdinand Marcos, Jr. ti Republic Act No. 12326 wenno ti opisyal a panangituding iti lima a tawen a termino dagiti opisyal iti barangay ken miyembro ti Sangguniang Kabataan (SK).
Kagidan daytoy, ginuyugoy ni President Ferdinand Marcos, Jr. dagiti agdama nga agserserbi nga aramatenda ti kanayunan a tawen tapno adadda a mapasayaat ti panagserbida iti publiko.
Impetteng met ti presidente a ti napapaut a termino ket mangited dalan kadagiti mangidadaulo iti lokal a gobyerno nga palpasenda dagiti rinugianda a programa ken solusyonanda dagiti kangrunaan a kasapulan dagiti pagserserbianda a komunidad.
