Kinarit ni Rodulfo Gracioso Jr da Vice President Sara Duterte ken sigud a House Speaker Lord Alan Velasco a dumalan iti ‘lie detector test’.
Sigun iti sigud a security aide ni sigud a House Speaker Velasco a rumbeng nga agpa-lie detector test dagiti nasao nga opisyal tapno mapaneknek nu asino iti mangibagbaga iti kinapudno.
Daytoy ket seknan iti alegasyon na a nakaawat dagiti nadakamat a nangangato nga opisyal kadagiti male-maleta a kuwarta.
Nagturong met ita nga aldaw ni Gracioso iti National Bureau of Investigation (NBI) kadua ni Fr. Flavie Villanueva tapno mangisumitir iti statement na seknan iti alegasyon iti panangitulod kadagiti male-maleta a kuwarta iti pamilya Duterte.
Inwaragawag ngamin daytoy a nangideliver daytoy iti binil-bilyon a gatad iti kuwarta idi 2018 ken 2022.
Impettengna a tatta na laeng nga inwaragawag daytoy gapu ta saan da daytoy a tinulongan iti nagsakit ti ama daytoy.
Sigun kenni Gracioso, Jr., insumitirnan idiay NBI dagiti ebidensya pakairamanan dagiti ladawan ken bidyu a mangsupsuporta iti alegasyon daytoy kontra kenni VP Sara kenni House Speaker Lord Alan Velasco.
