Binabalaw ti Commission on Audit (COA) ti Department of Education (DepEd) gapu iti pannakataktak ti panagpirmada kadagiti kontrata para kadagiti libro ken dadduma pay a learning materials.
Sigun iti COA, nataktak iti 60 nga aldaw ti panagpirma ti DepEd kadagiti 56 a kontrata nga aggatad iti agarup ₱2.5 billion.
Ti nasao a kontrata ket para kadagiti libro dagiti estudiante ken manual dagiti mannursuro.
Sigun iti ahensiya, nalab-awanna ti naikeddeng a 10 nga aldaw kalpasan ti pannakaipaulog ti Notice of Award.
Gapu iti dayta, naapektaran ti pannakaipaay dagiti self-learning modules, inspeksyon, pannakaipaay dagiti kanayonan a learning materials, ken sumagmamano nga aktibidad.
Kabayatanna, inlawlawag ti DepEd a kasapulan a saggaysa a maproseso dagiti 56 a kontrata, pakairamanan ti panagsagana, legal review, ken posible a pannakarebisar dagiti proyekto.
