Kinidaw ni Presiding Officer Francis “Chiz” Escudero ti panagbalin a managteppel ken respeto manipud kadagiti paset iti impeachment trial ni VP Sara Duterte kasaruno iti panagngato iti tensyon ken emosyon kadagiti panagdengngeg.
Sakbay a nangrugi ti panagdengngeg ita nga aldaw, impetteng ni Escudero a maawatanna a umab-ababan ti pasensya dagiti dadduma bayat iti panagtultuloy ti hearing.
Nupay kasta, kinunana a rumbeng a laglagipen a kasapulan nga agbalin a propesyonal tapno matulongan ti impeachment court para iti naannayas ken naurnos a trial.
Kinidawna metlaeng kadagiti abodago a pagtalinaedenda kuma ti panagrespeto iti tunggal maysa kas maitunos iti Canon 2, Section 2 ti Code of Professional Responsibility ken Accountability.
Innayonna pay a normal laeng nga adda dagiti banag a mangitunda iti panangsisinupita ngem saan a rumbeng a dumanon iti punto nga agbalin a personalan ken mapasaktan dagiti kaduada nga abogado.
