Sinungbatan ni Bicol Saro party-list representative Terry Ridon ni Vice President Sara Duterte iti “good luck”.
Daytoy ket kalpasan a kinunana ti bise presidente nga adda ti conflict of interest iti akem ni Ridon kas House prosecutor iti impeachment trial daytoy.
Sigun kenni Ridon, “Good luck” iti bise presidente agsipudta asidegen nga agleppas ti presentasyon dagitoy iti ebidensiya.
Maipalagip a kinuna ni Duterte nga adda ti conflict of interest ni Ridon agsipudta sigud a consultant daytoy ti Davao city government’s anti-poverty initiatives.
Nupay kasta, inlaksid daytoy ni Ridon ken kinunana a saan a nagserserbi kas advisor ni Duterte idi Mayora daytoy ti Davao.
Impeksa ni Ridon a tuloy-tuloy latta dagitoy iti panangiparuar iti ebidensiya nga awanan iti buteng, ken panagdanag.
