Indeklara ti International Criminal Court -Trial Chamber III (ICC Chamber III) a FIT TO STAND TRIAL ni sigud a President Rodrigo Duterte.
Iti desisyon ti nasao a korte a napetsaan iti Setyembre 28, 2026, iparparangarang ti korte a kabaelan ni sigud a President Rodrigo Duterte a sumango iti panagtultuloy ti panangdengngeg iti kaso na.
Impeksa metlaeng ti Expert Panel a kabaelan ni sigud a President Duterte nga awaten dagiti akusasyon kontra kenkuana ken ti mismo a taray ti hearing.
Impeksana metlaeng a kabaelan ti sigud a presidente a makitinnulong kadagiti abogadona iti panangisagana a mangdepensa kenkuana.
Kagidan dayta, inbilin ti nasao a korte iti Registry iti agtultuloy a panagmonitorda iti salun-at ni sigud a President Duterte babaen iti Medical Officers ti ICC Detention Centre. Nabilin dagitoy a dagosda nga ipakaammo iti korte nu adda dagiti panagbaliw iti kondisyon ti sigud nga opisyal.
Kabayatanna, naituding met a pormal a mangrugi ti panagdengngeg iti kaso ni sigud a President Duterte inton Nobyembre 30, 2026.
