Binabalaw ni President Ferdinand Marcos Jr. ti inaramid ti China a panangharang iti medical evacuation iti sumagmamano a suldado idiay BRP Sierre Madre nangnangruna ta kasapulan a dagos a maiturong iti pagagasan dagiti addaan iti an-anayenna.
Sigun kenni PBBM, mabalin a mairaman ti nasao nga isyu iti talantanenda seknan iti provisional understanding ti Pilipinas ken China, kasta metten iti katulagan a Code of Conduct (COC) idiay West Philippine Sea.
Impeksana metlaeng a ti napasamak nga insidente ket indikasyon ti panagkaro iti tensyon idiay West Philippine Sea (WPS).
Kabayatanna, binigbig ken pinadayawanna dagiti amin a personnel iti pagilian nga agtultuloy a mangsupsuporta kadagiti mangngalap kasta metten iti panangidepensa iti Pilipinas idiay West Philippine Sea.
