--Ads--
Nagballaag ti Iran nga agibales iti aniaman a pangta kontra kadagiti pasilidad daytoy iti enerhia.
Sigun kenni Acting Oil Minister Hamid Bovard, mangisayangkat dagitoy kadagiti maitutop nga addang iti umiso a tiempo.
Kabayatanna, impakaammo ti Saudi-led military coalition idiay Yemen a nilapdan dagitoy ti ballistic missile nga agturong idiay Yanbu; dua a cruise missile iti Red Sea, ken tallo a drone iti makin-abagatan a paset ti Saudi Arabia ken Riyadh.
Iti sabali a bangir, kinumpirmar ti Iranian Navy a nauram ti maysa a barko kalpasan a naiddep ti tracking system daytoy ken pinadasna sumrek iti “Sea of Oman”.
