--Ads--
Naikat iti puwesto ti tallo nga opisyal ti Department of Public Works and Highways (DPWH) idiay Davao City a karamankadagiti maimimbestigaran seknan iti maatap a flood control project iti nasao a siudad.
Kinumpirmar daytoy ni DPWH Secretary Vince Dizon kasaruno iti imbestigasyon ti National Bureau of Investigation (NBI) kadagiti kuwestionable a proyekto.
Karaman kadagiti naikat iti puwesto da sigud a Davao City District Engineer Richard Ragasa, a karaman kadagiti respondent kadagiti reklamo nga inpila ti NBI iti Department of Justice (DOJ).
Impanamnama met ti nasao nga ahensya a makitinnulong daytoy kadagiti otoridad tapno mabigbig dagiti responsable kadagiti alegasyon ti iregularidad kadagiti proyekto
