Naarestar ti agarup 1,300 nga indibidual kalpasan a nangisayangkat dagitoy iti sabali manen a serye ti tignay protesta iti nagduduma a paset ti pagilian a France idi Sabado, gapu iti nangato a cost of living ket parikut kadagiti pagadalan.
Sigun iti French Interior Ministry, agarup 410, 000 a tattao ti nakipaset bayat nga agarup 800,000 ti pattapatta ti unions.
Nadangran ti 53 a kameng ti pulisya kabayatan ti tignay protesta, isu’t gapuna a nagaramat dagiti otoridad iti tear gas ken water cannon.
Kabayatanna, nauram dagiti barikada, nadadael dagiti establisimiento, ken napasamak ti panagtakaw kadagiti sumagmamano a siudad.
Agtultuloy ti riribuk sadiay Frabce iti tengnga ti dumakdakkel a pannakaupay ti publiko iti administrasion ni President Emmanuel Macron, sumagmamano laeng a bulan sakbay ti eleksion ti presidente.//
