Nakemmeg ti 22-anyos a lalaki, maysa a construction worker residente ti Purok 7, Upper Quezon Hill, Baguio City babaen iti naipatungpal a buy-bust operation idi Martes, Oktubere 27, 2026.
Nakumpiskar manipud iti suspek ti maysa a pidaso ti heat-sealed transparent plastic sachet a naglaon iti 1 grams ti maatap a shabu nga adaan iti SDP a PhP6,800 (Subject of Sale).
Kabayatan ti panagkapkap ti operatiba iti suspek, nakumpiskar manen ti dua a pidaso ti heat-sealed transparent plastic sachet a naglaon iti 3.7 grams ti maatap a shabu nga addaan iti SDP a PhP25,160.00. (POSSESSION)
Nakumpiskar metlaeng ti sumagmamano a non-drug items kas iti maysa a pidaso ti genuine five-hundred-peso bill a naaramat kas buy-bust money; innem a pidaso ti one thousand-peso bills a naaramat kas boodle money ken maysa a cellphone.
Balligi ti nasao nga operasyon babaen iti Regional Police Drug Enforcement Unit CAR (Lead Unit) PS1, Baguio CPO, RID PROCOR ken PDEG SOU-CAR.
Ti suspek ken dagiti nakumpiskar nga ebidensya ket naiturung iti BCPO station 1 para ti dokumentasyon ken umno a disposisyon.//Bombo Noveh Organo
