Sinuspindir ni La Trinidad Mayor Roderick Awingan ti trabaho dagiti opisina ti gobyerno ita nga aldaw, Oktobre 30 bayat a suspendido met ti klase iti amin a pampubliko ken pribado a pagadalan iti nasao a munisipyo inton bigat agingga inton Oktobre 31 para iti panagsagana iti pannaobserbar iti All Saints’ Day ken All Souls’ Day.
Nupay kasta, agtalinaed latta a nakalukat dagiti opisina a mangipapaay kadagiti kangrunaan a serbisyo kas iti naactivate nga Emergency Operation Center, health centers, MDRRMC, dagiti mangiwanwan iti trapiko, ken emergency response.
Kagidan dayta, mabalbalakadan amin a motorista, resident, ken bisita nga agbalinda a naridam kadagiti panagbyaheda ken agtungpalda kadagiti maipapaulog a linteg trapiko bayat a maobserbaran ti undas.
