--Ads--
Patien ti kampo ni Sen. Ronald “Bato” dela Rosa nga adda ti napatpateg a banag a rumbeng nga ipaayan ti gobierno iti atensiyon.
Daytoy ket pakairamanan dagiti parikut ti pagilian a kas iti iregularidad kadagiti flood control projects ken ilegal a droga imbes a ti pannakatiliw ti senador ken impeachment trial ni Vice President Sara Duterte.
Sigun kenni Atty. Israelito Torreon, legal counsel ni Dela Rosa, posible a maar-aramat dagitoy nga isyu kas “political circus” tapno maiwaksi iti dadduma ti atensyon ti publiko.
Kabayatanna, agtaltalinaed ti panangbiruk dagiti otoridad kenni Dela Rosa mainaig iti arrest warrant nga inpaulog ti International Criminal Court (ICC) gapu iti kaso a crimes against humanity mainaig iti war on drugs.
