Imbinglay ni Senator Ping Lacson a suportado ti senate majority bloc ti panagregget ni Senate Finance Committee Chairperson JV Ejercito nga ikaten iti singasing a 2027 national budget dagiti kuwestionable ken posible a pagrugian ti korapsyon nga alokasyon.
Sigun kenni Sen. Lacson, saan laeng a ti panangikat kadagiti kuwestionable nga alokasyon ti tarigagayda nu di ket karaman metlaengen ditoy ti panangsigurado iti transparency iti porseso ti panangbukel iti national budget.
Impettengna metlaeng nga awan ti rumbeng nga agbalin nga eksepsyon iti nasao a panagtingiting.
Immuna metten nga impeksa ti nasao a senador a rumbeng nga awan ti palampasen ti senado iti panangitarimaan kadagiti kuwestionable nga alokasyon iti singasing a pondo nga insumitir ti Karama, pakairaman dagiti proyekto a posible a konektado kadagiti personalidad nga asideg iti presidente ken nangangato nga opisyal ti pagilian.
