Impeksa ni United States Ambassador to the Philippines Lee Lipton ti panagkomit ti Estadus Unidos seknan iti seguridad ti pagilian a Pilipinas.
Inladawan ni Lipton ti panagkomit ti Washington kas “ironclad” ken napigsa nga alyansa ti dua a pagilian.
Impaulog ni Lipton ti statement kasaruno ti ASEAN Defense Ministers’ Meeting-Plus sadiay Cebu a dinar-ayan ni US Secretary of War Pete Hegseth.
Sigun pay kenni Lipton, ti masansan a koordinasion ni Hegseth kadagiti Southeast Asian partners ket mangipakita iti determinasion ti administrasion ni US President Donald Trump a mapapigsa ti alyansa, mapatibker ti regional cooperation ken masigurado ti linak ken kapia.
Inyunay-unay ti opisial ti nabayag a panagkomit ti Washington iti partnership ti Pilipinas ken Estadus Unidos, partikular iti suporta daytoy iti panangidepensa iti teritoryo ken panagwaywayas ti pagilian a Pilipinas.//
