--Ads--
Kinumpirmar ti Department of Migrant Workers (DMW) a pimmusay ti maysa a Filipino seafarer bayat a maysa pay a Pilipino ti nadangran kalpasan a natamaan iti saan pay a nabigbig a projectile ti barko da a dumaldalyasat idiay Persian Gulf paturong kuma idiay Bahrain.
Sigun kenni DMW Secretray Hans Leo Cacdac, dagiti biktima ket crew iti Marshall Islands-flagged tanker nga MT Velos Sapphire.
Innayon pay ti nasao nga ahensya nga 22 a Pilipino ti adda iti nasao a barko idi napasamak ti insidente.
Agtultuloy met ti panang-asistar ti DMW kadagiti biktima ket naapektaran iti nasao nga insidente.
Makikokoordinarda metlaeng iti manning agency ti barko para iti natalged a pannakapaawid dagiti Pilipino pakairamanan ti pimmusay a marino.
