Nagballakad ni Vice President Sara Duterte kadagiti opisyales iti gobyerno maipapan iti pannakisinsinnupiat kadagiti dadduma a pagilian pakairamanan iti China.
Kagidan dayta, insingasingan ti panang-address kadagiti issue kas iti maritume dispute iti nagbaetan ti China ken Pilipinas babaen iti diplomatic talks imbes a babaen iti panagsisinnukat iti statement iti online.
Impeksa pay daytoy nga ipangpangruna kuma ti national interest nu maipapan iti relasyon kadagiti dadduma a pagilian.
Sigun pay kenkuana, mabalin a makaapekto iti pagbiyagan ti dadduma a Pilipino ti saan a nasayaat a linnangen ti Pilipinas kadagiti dadduma a pagilian kas iti China.
Innayonna pay a kasapulan metlaeng nga ikonsidera ti gobyerno ti kabaelan daytoy maipanggep iti pannakigubat.
