--Ads--
Inawagan ti prosekusyon ti presentasyon ti depensa kasaruno iti panangipasangoda iti umuna a testigo a ni Davao City Assessor Engineer Jaime Adalin.
Sigun kenni Prosecution Spokesperson Robert Ace Barbers, saan a direkta a nasungbatan ni Adalin dagiti damag ti prosekusyon ken kasla likliklikanna dagiti napapateg nga issue a kasapulan a mapaneknekan sakbay iti senate impeachment court.
Sigun iti nagbalin nga assessment ti prosecution, kinunada a maysa a ‘weak witness’ ti inpasango ti depensa iti korte.
Nagballaag pay ni Barbers a posible a makasuan iti perjury dagiti testigo ti depensa nu saan daytoy a mangibaga iti kinapudno.
Ni Adalin ti umuna a testigo nga impasango ti depensa iti panagtuloy ti trial idi kalman, Nobyembre 9.
