Impetteng ni Department of Education (DepEd) Secretary Sonny Angara ti agtultuloy a panangitandudo iti lenguahe a Filipino kasta metten kadagiti local ken regional a pagsasao iti pagilian, kagidan iti maika-90 nga abibersaryo ti Komisyon sa Wikang Filipino (KWF).
Sigun kenni Angara, maysa kadagiti addang nga ipatpatungpal ti DepEd ket ti panangireproduce kadagiti libro a naitranslate iti nagduduma a pagsasao tapno adu pay a Pilipino ti maikan iti gundaway a makabasa ken makaawat kadagiti libro.
Panggep metlaeng ti nasao nga addang a guyugoyen dagiti Pilipino nangnangruna dagiti agtutubo a maaddaanda iti interes iti panagbasa kagidan iti panangipategda iti bukod a pagsasao ken kultura.
Sigun iti nasao nga opisyal, saan laeng a ti Filipino ti rumbeng a maitandudo nu di ket kasta metlaengd dagiti nagduduma a pagsasao kadagiti komunidad iti pagilian.
