Suportado dagiti sumagmamano a simbaan iti siudad ti Baguio kadagiti addang kontra iti Pax Silica.
Sigun kenni Majo Pioquinto – Facilitator iti Alay Kapwa Program, Diocese of Baguio, nasken kuma a maipaayan ti publiko iti gundaway nga agdesisyun para iti pagsayaatan dagitoy.
Innayunna pay a napateg ti “Human Dignity”.
Sigun pay kenni Pioquinto, kidkiddawen dagitoy a maadaan iti transparency kas iti nalawag a terms, proseso ken daduma pay a nasken a maamwuan ti publiko.
Patien dagitoy a babaen iti daytoy ket maadal nu mapagnumaran ti inyaman a proyekto a mapangpanggep kas iti Pax Silica ken nu mamintinir ken maaywanan ti “karapatang pantao”.
Innayun pay ni Pioquinto a nasken a kitaen ti importansya ti Pax Silica nu adda man ket nasken kuma a masiguro a ti pagilyan a Pilipinas ti agnumar.
Impetteng manen ti nasao a facilitator a gapu iti dayta, nasken a mairuar amin a nasken nga impormasyon a kasapulan a maamuan ti publiko.
Innayunna pay a gapu ta adda pakainaigan ti Pax Silica iti Artificial Intelligence, rumbeng nga agbalin kuma daytoy nga instrumento para iti talna ken pagimbagan ti kaaduan.
Inyebkas pay ni Pioquinto a kadagiti isyu a sangsangwen ti pagilyan, aktibo ti boses ti simbaan kadagitoy no sadinno ikagkagumaanda a makipartisipar iti diskusyon seknan kadagitoy a banag. //Bombo Noveh Organo
