--Ads--

Nag-emergency landing iti Davao International Airport (DIA) ti maysa a Boeing 767 ti Air Niugini a paturong sadiay Port Moresby, Papua New Guinea idi Sabado, Nobiembre 21, 2026.


Sigun iti Civil Aviation Authority of the Philippines (CAAP), nakaawat dagiti piloto iti indikasyon ti uram iti makina ti eroplano isu’t gapuna a dagus dagitoy a nag-emergency landing iti pasado 12:08 ti agsapa.


Natalged a naglanding ti eroplano nga addaan iti pasahero a 137 ken siam a crew.


Amin dagiti pasahero ket natalged ken nairung iti terminal.


Temporaryo a naiserra ti airport para iti emergency response ngem naisubli meltaeng ti operasyon daytoy iti pasado- 2:05 ti agsapa.


Agtultuloy ti imbestigasyon ti CAAP, bayat nga iyur-urnos ti Air Niugini ti temporario a pagdagusan dagiti pasahero ken ti panagbiaheda sadiay Port Moresby.//