Guyguyuguyen ti Department of Environment and Natural Resources (DENR) ti publiko nga ikonsidera ti panagaramat iti bisikleta kas alternative mode of transportation tapno mapasayaat ti polusion ti angin iti pagilian.
Nainget metlaeng nga isingsingasing ti departamento iti publiko nga ikonsidera ti pannagna wenno panagaramat iti bisiktela para iti short trips.
Sigun kenni DENR Secretary Juan Miguel Cuna, tunggal maysa ket mabalin a makatulong tapno malabanan ti climate change.
Daytoy ti kinuna ti departamento, kagiddan ti pannakaobserbar iti National Bicycle Day idi Domingo, Nobiembre 22, 2026.
Kabayatanna, inyuswat ti DENR ti Bike-to-Work Campaign para kadagiti empleyado daytoy, a mangguyugoy kadagiti personnels nga agaramat iti bisikleta.
Panggep daytoy a pagtalinaeden ti panagaramat iti bisikleta uray saan nga aldaw ti National Bicycle Day.











