Patien ti embahada ti Pilipinas idiay Paris a posiblenga adda ti sigud a mammanday-linteg a ni Zaldy Co idiay France.
Nupay kasta, sigun kenni Ambassador to France Eduardo de Vega, uray no kasbilang adda ni Zaldy Co iti nasao a pagilian, saan a kas karina a maimbestigaran wenno maarestar.
Inlawlawag daytoy ni De Vega kalpasan a dinakamat ni Foreign Affairs Secretary Ma. Theresa Lazaro a nakaawat daytoy ti impormasyon nga adda ti sigud a mammanday-linteg idiay France no sadino agkidkiddaw daytoy ti asylum.
Nupay kasta, impakaammo daytoy nga awanpay ti opisyal a kumpirmasyon no adda ni Co iti nasao a pagilian.
Impakaammo pay ti ambassador a saan a kas karina a mangisayangkatda iti imbestigasyon wenno surveillance idiay France, gapu ta manglabsing daytoy iti sovereignty ken lokal a lintegda. //bombokaren.c.s
