BAGUIO CITY – Dumanon iti 60% kadagiti nagannak iti rehiyon Cordillera ti addaan kapasidad a mang-asistar ken mangtulong kadagiti annakda iti sidong ti blended learning.
Sigun kenni DepEd CAR Regional Director Mae Eclar, resulta daytoy ti naisayangkat a Learners survey kadagiti studyante.
Kinunana n nakapagadal dagiti nasao a nagannak ken kabaelanda a mangipaay iti oras kadagiti annakda.
Ti met nabatbati a 40% ket nakaadal ngem awananda iti oras a mang-assistar kadagiti annak dagitoy.
Gapu iti daytoy, nangipatungpalda iti orientation kadagiti nagannak tapnu matulunganda iti akem dagitoy a mangisuro kadagiti annakda.
Kinuna ni Director Eclar a dagiti manursuro wenno advisers dagiti studyante ti nadutukan a mangisayangkat iti orientation kadagiti nagannak dagiti estdudyante.
