Napasamak manen ti ginggined idiay Manay, Davao Oriental ken idiay Bogo,Cebu.
Idi laeng pasado alas-diez iti rabii (10:43 PM), dimmalapos ti magnitude 4.5 a ginggined idiay Davao Oriental bayat a magnitude 6.0 met ti dimmalapos idiay Bogo, Cebu itay pasado ala-una iti parbangon (1:06 AM).
Nupay kasta, nangipaiyulog metlaeng ti Philippine Institute of Volcanology and Seismology (PHIVOLCS) iti pakaammo nga imbabana iti magnitude 5.8 ti magnitude 6.0 a ginggined idiay Cebu.
Maipalagip nga immunan a nakapasar ti Bogo,Cebu iti magnitude 6.9 a ginggined idi September 30 bayat nga immuna met a napasaran ti magnitude 7.4 ken 6.8 idiay Davao Oriental idi laeng napan a lawas a sigun iti maseknan nga ahensya ket mabalin nga ibilang daytoy kas doublet earthquake.
Dagiti kaudian a panagdayyeg iti daga kadagiti nasao a lugar ket maibilang nga aftershock.