Agtultuloy latta ti mapaspasamak nga aftershocks manipud iti Magnitude 7.8 Offshore Sarangani Earthquake a nangdayeg iti Mindanao iti Hunyo 8.
Maibasar iti kaudian a datos ti PHIVOLCS, dumanonen iti 3,860 ti nailista nga aftershocks no sadino 966 ti na-plot dagiti eksperto ken 64 ti narikna dagiti residente idiay. .
Agtaltalinaed met nga alerto dagiti ahensya ti gobyerno ken agtultuloy ti monitoringda tapno masigurado ti kinatalged dagiti residente kadagiti apektado a luglugar idiay Mindanao.
Sigun iti Philippine Institute of Volcanology and Seismology (PHIVOLCS), posible nga agtuloy pay ti aftershocks kadagiti sumarsaruno nga alaldaw.
Kagiddan dayta, kinumpirmar metlaeng ti National Disaster Risk Reduction and Management Council (NDRRMC) a dumanonen iti 55 dagiti bilang ti pimmusay gapu iti nasao a gingined bayat a dumanon metten iti 1,120 ti bilang dagiti nadangran.
Agtultuloy metlaengen ti relief operations iti probinsya ti Davao Occidental, Sarangani, General Santos City, nu sadino nailista ti kaaduan a dadael. //bombokaren.c.sapirao
