BAGUIO CITY- Nauram ti agarop 10 agingga 12 nga ektarya a paset ti kabakiran ken pagminasan sadiay Sitio Laaw, Mexico, Texas ken Alabama iti Barangay Camp 4 ken Camp 6 Tuba, Benguet idi kalman .
Maibasar iti damag, ala una ti malem idi kalman idi rinugian ti Bureau of Fore Protection ken Tuba PNP nga agaramid iti fire lanes iti nasao a lugar tapno malapdan ti panakauram ti residential area sadiay agingga a naideklara a fire out iti alas kwatro ti malem.
Maibasar iti inspeksion nga insayangkat ti BFP, nagtaud ti nasao nga uram iti kaingin sadiay Sitio Laaw agingga a nagramaram ti apoy iti paset ti bantay.
Naamuan pay nga ada ti nang-uram iti nagango a ruot iti nasao a paset ti bantay ngem saanda a binantayan ti sakop ti kaingin.
Iti agdama ket saan pay masinonoo ti pakabuklan a gatad ti nauram a paset ti kabakiran.
