Agarop 70% kadagiti pagbaludan iti Pilipinas ket congested sigun iti Commission on Audit (COA) a makaituntunda iti saan a nasayaat a kondisyon dagiti balud wenno Persons Deprived of Liberty (PDL).
Iti 2024 audit report iti COA iti Bureau of Jail Management and Penology (BJMP), kangrunaan iti listaan dagiti congested jail facilities ti Biñan City Jail – Male Dormitory,Muntinlupa City Jail – Male Dormitory, ken ti Dasmariñas City Jail – Female Dormitory.
Iti datos iti nasao nga opisina, 336 manipod iti 484 a pagbaludan iti pagilian ti addaan iti congestion rates nga agay-ayam iti 1% agingga 2,141% manipod iti maximum capaciy dagitoy, adayo a nangatnagto ngem iti intuding nga standards iti BJMP ken iti UN Standards Minimum Rules for the Treatment of Prisoners.
Agarop 113,000 a balud ti agtaltalinaed kadagiti saan a nasayaat a prison cell nu sadino, agarop 88% ti agur-uray kadagiti panakadengngeg iti kasoda ken pinal nga hatol para kadakuada.
Kabayatanna,impanamnama met iti BJMP ti agtultuloy a panagkiddawda iti kanayonan a pondo para iti panakagatang iti daga ken panakaibangon dagiti pasilidad tapno adda iti kanayonan a pagtalinaedan dagiti PDLs.
