--Ads--
Agtaltalinaed a saan pay a naisubli ti suplay ti kuryente kadagiti agarup 1.3 million a pagtaengan ken negosyo idiay Texas, USA kalpasan ti panagdalapos ni bagyong Beryl.
Manun nga aldaw ti napalabas ngem awan pay ti suplay ti kuryente dagitoy, rason nga ado a kompanya, residente ken indibidual ti agrekreklamo nangruna ket nabara a paniempo ti mapaspasaranda.
Agbalbalin met a karit ti kinaawan ti kuryente iti operasyon dagiti nagduduma a negosyo nangruna kadagiti Freeport.
Nu pay kasta, daduma kadagiti oil ken gas companies ket nagsubli ti normal nga operasyonda.
Immuna metten a naisubli ti kuryente dagiti 1.17 million a pagtaengan idiay Matagorda, Texas.
