Kinumpiskar ti Philippine National Police Anti-Cybercrime Group (PNP-ACG) ti agarup 1,000 a pidaso ti Sunsciber Identity Module (SIM) Cards.
Kasaruno daytoy iti pannakaarestar ti dua nga indibidual iti entrapment operation sadiay Imus, Cavite.
Sigun kenni Philippine National Police Anti-Cybercrime Group director Brig. Gen. Bernard Yang, naarestar dagiti dua a suspek kalpasan a nairamanda iti buy-and-sell ti SIM card.
Inlawlawag dagiti suspek a gimmatangda ti SIM card iti P15 ti tunggal maysa ken inlakoda iti P20 iti online.
Sigun pay kenni Yang, posible a maar-aramat dagiti SIM cards para iti text blasters machines.
Kabayatanna, manarimaan ti koordinasion dagitoy kadagiti telecom companies iti pannakaipatungpal ti imbestigasion seknan iti pannakailako dagiti SIM Cards.
