Pinuntirya ti Israel dagiti sumagmamano a residential areas idiay Central Beirut malem idi kalman, Abril 8 , manu laeng nga oras ti pannakaiyanunsyo iti ceasefire.
Sigun iti health ministry ti Lebanon, agarup ribo dagiti napapatay ken nadangran gapu iti nasao a panagatake.
Impetteng met ti Iran a saanen daytoy a saklawen ti tulagda a ceasefire.
Sigun iti pagilian a Lebanon babaen kenni Lebanon Minister of Social Affairs Haneed Sayed , nakasagana dagitoy a maki-negotiate iti Israel tapno maisardengen ti kinaranggas. Saan paylaeng a simmungbat ditoy ti Israel.
Inakusaran ni Prime Minister Nawaf Salam ti Israel iti ngumatngato a tensyon.
Depensa met ti Isreal military, command centers ken intelligence infratstructure ti pinuntiryada.
Inakusaranda pay ti Hezbollah fighters nga aglemlemmeng iti nasao a pasdek-banag a pinaglibakan dagiti residente ken local officials ti Beirut.
Simmungbat met ti Hezbollah official a saanda nga akseptarenda ti agtultuloy nga ipakpakita ti Israelis kadakuada.
Maimatangan ita idiay Beirut dagiti pamilya a na-displace gapu iti nasao a panagatake. //bombokaren.c.s
