--Ads--
Inbilin ni Tanzanian President Samia Suluhu Hassan kadagiti amin nga opisyal ti gobyerno a nu agbyahe dagitoy, agaramatda iti maymaysa a bus para iti official travel tapno makissayan ti konsumo ti gasolina, kalpasan iti panagkurang ti suplay ti petrolyo sadiay.
“From now on, wherever I go, all officials will travel together in one bus… to cut fuel consumption,” sigun kenni Hassan.
Sigun iti energy regulator ti nasao a pagilian, ngimmato ti presyo ti gasolinada iti agarup 1/3 idi napalabas a bulan.
Maipalagip a ti kinakurang ti petrolyo ket intunda ti panangisara ti Iran iti Strait of Hormuz.
Nangrugi metten a nangipatumpal ti Ethiopia ti mangasikaso iti suplay ti gasolina kadagiti transportasyon dagitoy. //bombokaren.c.s
