BAGUIO CITY – Dumanonen iti agarup 11,800 nga empleado ditoy Cordillera Administrative Region ti nagaplikar iti P5,000 financial assistance program ti Department of Labor & Employment (DOLE).
Iti interbyu ti Bombo Radyo ken ni DOLE-Cordillera Regional Director Exequiel Ronie Guzman, kinunana a dagiti nasao nga empleado ket naapektaran iti sitwasyon nga intunda ti coronavirus disease.
Dinakamatna a ti agarup 11,800 a nagaplikar nga empleado ket nagtaud iti 786 nga establisiemento ditoy Cordillera.
Inlawlawag ti opisial a no maaprobaran amin ti aplikasion dagiti nasao nga empleado ket makaipaay ti DOLE-Cordillera iti nasurok P58-Million a gatad ti tulong pinansial.
Nupay kasta, kinunana nga agingga iti agdama ket agtultuloy ti panagaplikar dagiti dadduma pay nga empleado nga apektado.
Posible a marugian a maipaay ti P5,000 a tulong pinansyal inton Abril Uno.
