BAGUIO CITY – Mapatta-patta a dumanon iti sangaribo tallo gasut (1,300) nga indibidual ti pimmusay pakairamanan ti maysa a Pilipino gapu iti nakaro a pudot ti panawen bayat ti Hajj pilgrimage dagiti Muslim idiay Saudi Arabia idi napan a lawas.
Iti interview ti Bombo Radyo kenni Farhan Monib, manipud iti Baguio – Benguet Muslim Association, karaman kadagiti “lahi” a pimmusay ket dagiti egyptian, arabian ken nigerian.
Pinaglibakan met ni Monib a saan a nangbaybay-an ti gobyerno ti Saudi Arabia iti pannakaisayangkat ti nasao a tradisyon gapu ta dagus a nagresponde ken naiturong dagiti indibidual iti pag-agasan.
Malaksid iti nakaro a pudot ti panawen, patien ni Monib a pannubok daytoy manipod iti bigbigbigenda a ni Allah ken natataenganen dagiti makipaspaset iti tinnawen a Hajj pilgrimage.
Dinakamatna a dagiti nakipaset nangruna dagiti Pilipino a nagtaud iti Baguio City, Metro Manila ken Mindanao ket nagdalan iti umno a proseso sakbay dagitoy a nagturong sadiay Saudi Arabia.
Gapu iti dayta, kiddawna iti gobyerno a maiyawid a natalged dagiti dadduma pay a Pilipino a nakipaset iti Hajj pilgrimage.
Maipalagip nga idi tawen 2013, dumanon iti tallo ribo agingga lima ribo nga indibidual ti pimmusay, nangatngato nu idilig iti bilang iti agdama gapu paylaeng napudot a panawen bayat ti pannakaisayangkat ti nasao a tradision.
Kabayatanna, ti tinnawen a Hajj pilgrimage idiay Mecca, Saudi Arabia ket maysa kadagiti lima a “pillars” wenno aramid ti Islam.
Nu sadino mandato a makipaset dagiti Muslim iti seremonya iti uray maminsan laeng iti panagbiagda la ketdi kabaelan ti pisikal ken pinansial dagitoy.
