Nakadeploy itan dagiti agarup 14,000 nga uniformed personnel manipud kadagiti nagduduma a law enforcement agencies kadagiti aglawlaw ken uneg ti Quiapo Church ken kadagiti dadduma a ruta para iti Nazareno wenno Traslacion 2025 ita nga aldaw.
Malaksid iti dayta, nainget metlaeng a mabambantayan ti Minor Basilica ken ti metlaeng National Shrine of Jesus Nazareno, wenno ti Quiapo Church para iti seguridad dagiti deboto a dumar-ay iti hourly masses bayat ti 10-day Feast of Jesus Nazareno.
Sigun kenni Police Lieutenant Leandro Gutierrez MPD Station 3 Commander awan met ti namonitor dagitoy nga aniaman a pangta nangruna iti granstand.
Impalagipna metlaeng manen kadagiti deboto a liklikan a mangitugot iti dakkel a gatad ti kuarta, kutsilyo ken aniaman firearms agsipud ta adda latta dagiti nakumpiskar dagitoy idi napalabas a tawen.
Innayonna pay a siguraduen a napigsa ti bagi ken mabalbalin ket ibati dagiti babassit nga annak tapno saan a makasinga bayat ti traslacion.
