Manamnama a maiwaras ti agarup 15,000 a police officers para iti siguridad kabayatan ti protesta a maisayangkat sadiay Metro Manila intun September 21, 2026.
Sigun kenni National Capital Region Police Office (NCRPO) chief PBGen. Christopher Abrahano, makikokoordinar ti pulisya kadagiti organizers ken leaders ti protesta.
Ti maisayangkat a protesta ket mangmarka iti anibersaryo ti panakaideklara ti martial law babaen kenni sigud a President Ferdinand Marcos Sr.
Sigun iti National Capital Region Police Office (NCRPO), maikabil dagiti personnel iti heightened readiness ken limitado ti leaves tapno masigurado ti umdas a manpower bayat dagiti rally.
Manamnama metlaeng a tumulong dagiti police units manipud kadagiti kabangibang a rehion.
Sigun kenni Abrahano, awan paylaeng ti espesipiko nga intelligence a mangitudo kadagiti posible a grupo a mabalin a mangpadas a mangriribuk iti nasao a protesta.
