Dumanon iti agarup 17,000 a tattao ti nakipaset iti Christmas tree lighting ceremony ken Lantern parade iti siudad idi kalman.
Sigun kenni Mayor Benjamin Magalong, saanna a ninamnama nga ado nga indibidual ti makipaset iti nasao nga aktibidad
Nupay kasta, kinomendaranna ti panagregget ken panagsagana nga inaramid dagiti kameng ti pulisya tapno maipasigurado ti kinatalged dagiti nagturong iti daytoy
Kinunana a pinadakkelda pay ti pwersa dagiti nakadeploy gapu ta saanda kayat a mapasamak ti mobbing incident a kas iti napasamak iti pagilian a Korea.
Innayunna pay a nagtulong-tulong dagiti kameng ti nagduduma nga ahensya ken opisina kas ti Baguio City Police Office, Bureau of Fire Protection, Emergency response team ken dadduma pay a nagresulta ti natalged a pakabuklan ti aktibidad nu sadino awan ti nairekord nga anyaman nga insidente
Iti sabali a bangir, kinuna ni PCol Ruel Tagel, City Director ti Baguio City Police Office a ninamnama ti pulisya ti kinaado dagiti tattao rason nu apay napagsaganaanda a nasayaat ti aktibidad nu sadino nangipatungpalda iti panagmonitor.
