--Ads--
Inwarawag ti Department of Education (DepEd) a dumanon iti 3,000 a classrooms iti pagilian ti nadadael gapu iti southwest monsoon.
Sigun iti Department of Education, agarup 1,794 a classroom ti addaan iti minor damage, 540 ti addaan iti major damage, 531 ti totally damaged, ken 208 dagiti nadadaelan ti hygiene facilities.
Mainaig iti dayta, dumanon iti 24, 648 a pagadalan ti nangsuspindir iti in-person classes gapu iti napigsa a panagbayakabak ti tudo.
Kabayatanna, 131 a pagadalan iti siam a rehion kas iti Ilocos Region, Cagayan Valley, Central Luzon, Calabarzon, Mimaropa, Western Visayas, Cordillera Administrative Region, Metro Manila ken Negros Island ti maar-aramat kas evacuation centers.
