Imimbestigaranen ti National Bureau of Investigastion (NBI) ti inwaragawag ni Ramil Madriaga a maatap nga assasination plot kontra kenni President Ferdinand “Bongbong” Marcos, Jr.
Maipalagip nga imbutaktak ni Madriaga ti pinanggep ni sigud a President Rodrigo Duterte nga i-assasinate ti mannarimaan a presidente nu saan daytoy a bumaba iti pwesto iti tawen 2025.
Nakalanad ti nasao a rebelasyon iti supplemental affidavit ni Madriaga a naisumitir iti House Justice Committee a mangisaysayangkat iti impeachment hearing kontra kenni Vice President Sara Duterte.
Sigun kenni National Bureau of Investigation Director Melvin Matibag, imimbestigaranen daytoy ti nasao nga opisina.
Karaman metlaeng iti imbestigaran ti nasao nga opisina ket ti nagbalin nga statement ni Davao City Mayor Baste Duterte a ti laeng kayatda ket ti ‘ulo’ ti mannarimaan a presidente iti kalkalpas laeng a Reform Alliance for Good Governance and Accountability (RAGE Coalition) idiay San Juan City.
Sigun iti kenni Director Matibag, mangiruwarto dagitoy iti memorandum seknan iti nasao nga imbestigasyon.
Innaklon metlaeng daytoy a saan a bareng-bareng laeng ti innibatan dagiti nasao nga indibidwal nga statement nangnangruna ta nakadirekta daytoy iti presidente ti pagilian. //bombokaren.c.s
