Impakaammo ni Consul General Ambrosio Brian Enciso III nga agarup 36 a Pilipino a turista ken 270 a migrant workers ti naituding a mapaawid iti pagilian a Pilipinas manipud Dubai.
Sigun iti Consul-General, karaman kadagitoy a bilang dagiti nangiyebkas a kayatdan nga agawid iti pagilian.
Innayonna a kadwaan ni Migrant Workers Secretary Hans Cacdac dagiti nasao a repatriates iti flight da manipud Dubai.
Daytoy ti ummuna a repatriation dagiti Pilipino idiay Middle East babaen iti chartered flight.
Immuna metten nga impakaammo ti Department of Migrant Workers (DMW) nga agarup 44 nga Overseas Filipino Workers metten ti napaawid manipud Israel, Dubai, ken United Arab Emirates (UAE) babaen iti land travel paturong Egypt no sadino naturongda Oman sakbay a nakasangpetda iti pagilian a Pilipinas.
Kanayunan a 90 nga Overseas Filipino Workers pay ti napaawid iti pagilian a Pilipinas manipud UAE idi laeng Lunes.
Immunan nga impakaammo ni President Ferdinand Marcos, Jr. nga isimsimpa ti gobyerno dagiti charter flights tapno mapaawid dagiti Pilipino manipud Middle East gapu iti agtultuloy a tensyon idiay. //Bombo Karen Calpoe Sapirao
